Biurrun-Olkozko udal dermioaren iparraldean, Eraria eta El Monte izeneko alderdiak daude. Eraria Biurrun eta Subitza arteko ibar txiki bat da, alor emankorrez betea eta izen bereko errekak zeharkatua, gehienetan idorra. El Monte 790 metroko altuera duen mendi txiki bat, artez estalia, Biurrungo iparraldean eta Erariako mendebaldean kokatua.
Ibilbidea Biurrungo goialdetik abiatzen da eta, berehala, Erariako Bide Zaharra hartzen du; gozo-gozo igotzen ipar-mendebalderantz. Gero, 1,3 km egin ondoren, lepo zabal batera iritsi eta El Monte mendiko igoera hasten da, alde banatan uneoro arteak daudela. Hainbat usategiren ondotik igaro eta gero, tokirik garaiena joko dugu. Ikuspegiak ikusgarriak dira norabide guztietara. Oskarbi dagoenean, Mendebaldeko Pirinioetako kaskoak ere ikusiko ditugu.
Jaitsiera egiteko, lehenik, bidexka polit bat hartuko dugu iparralderantz; gero, pista bat, hegoalderantz, harik eta Ondarra Fundazioraino doan bidera iristen garen arte. Handik, bide eroso batek atzera eramanen gaitu Biurrunera, ezker-eskuin zuhaitz ederrak ditugula.
