ERDIALDEKO BIDEXKA SAREAREN PROIEKTUA: ERDIALDEA OINEZ
Egungo Bidexka Sare hau 2020an mamitzen hasi zen. Izan ere, Erdialdeko hainbat udalek indarrak batu zituzten, bertako paisaia eta ingurunea oinez zeharkatu nahi zuen jendeari eskaintzeko. Horrela, hainbat bilera egin ondoren eta proiektu tekniko xehakatua landu eta gero, Nafarroako Erdialdeko Tokiko Ekintza Taldeak finantzazioa eskatu zion tokiko garapen parte-hartzailearen Estrategiari: 2014-2020 PDRko tokiko ekintza taldeak..
Proiektuaren kostua 167.230,10 euro da. Landa Garapenerako Europako Nekazaritza Funtsak (FEADER) 137.177,93 euroko dirulaguntza eman dio eta, Nafarroako Gobernuak, % 35, Erdialdeko Tokiko Garapen Parte-hartzailearen Estrategiarekin bat (Nafarroako 2014-2020 PDRko 19. neurria).
Proiektu honen zati batek ez du dirulaguntzarik jaso eta hori udalerri parte-hartzaileek ordaindu dute. Hauek dira: Artaxoa , Beire, Berbintzana, Biurrun-Olkotz, Zarrakaztelu, Caparroso, Larraga, Leotz, Mendigorria, Miranda de Arga, Melida, Murillo el Fruto, Erriberri, Oloritz, Orisoain, Pitillas, Puiu, Santakara, San Martin Unx, Tafalla, Tebas-Muru Artederreta, Untzue, Uxue eta Gares.
Gure lurraldeak hainbat mendi ditu inguruz inguru: Erreniega, Alaitz, Izko, Lokiz, Urbasa, Andia eta Uxue. Mendiek alde guztietatik ixten dute lurraldea, hegoaldetik izan ezik eta, han, hegoaldean, Errege Bardea dago, hots, naturgune babestua, erdi desertikoa, jenderik gabea, oso aberatsa paisaiari, naturari eta geologiari begira. Hiru ibai handik egituratu dute gure inguruko orografia: Argak mendebaldean, Zidakosek erdigunean, eta Aragoik. Azken buruan, trantsizio-eremua gara azterlan-arlo guztietatik begira eta, horren ondorioz, izenez Nafarroako Erdialdea gara. Bada, lurralde hori guztia eskaintzen dugu, lurralde aproposa benetan bertan diren paisaia bereziak oinez zeharkatu eta gozatzeko.
Nafarroako Erdialdeko Tokiko Ekintza Taldea 2001ean osatu zen Erdialdea Garatzeko Partzuergoaren Erakunde Autonomo gisa, eta eskualdearen garapena du xede eta, horrekin batera, administrazioetatik datozen laguntzak bideratu eta kudeatzea, bai eta Europako ekimenak berak ere.
Horrez gain, Partzuergoan sarturiko toki entitateek osatzen dute taldea, bai eta Elkarteek, Organismoek, Fundazioek eta irabazi-asmorik gabeko Entitate Pribatuek ere; guztiek ere garrantzi berezia dute Nafarroako Erdialdean. Eskualdea jasangarritasunez garatzearen alde dihardu, jarduera ekonomikoa sustatuz eta enplegua sortuz, betiere indargune endogenoetan oinarriturik eta Nafarroako espezializazio adimentsuaren estrategiarekin nahiz Nafarroako Landa Garapenerako Planarekin bat; horrela, eskualdean bizi den jendearen bizi-kalitatea eta ongizatea sustatzen baitira.
ibilbideak
zerbitzuak
multimedia
nor gara
harremana
apie@navarramedia.org
T. +34 948 740 739
FINANtzatzailea
kofinantzatzailea
