Ibilaldi laburra da, ezin hobea haurrekin egiteko, eta historiaurrean barrena bidaiatzea ahalbidetzen du, bisitatuko baititugu “korridore” motako bi trikuharri, harri handiz osatuak.
Sarrera Artaxoako harresitik abiatzen da, hilerriaren ondotik. Handik, gutxienez lau kilometro eginen ditugu kotxez lurrezko pista batean zehar, eta, ondoren, aparkalekura iritsiko gara; han bada informazio-panel bat. Berrogei metrora baino ez dago “Enerizko Ataka” izeneko trikuharria, Nafarroan historiaurretik gelditzen zaigun monumentu garrantzitsuenetako bat. Nabarmentzekoak dira hura osatzen duten harlauza handiak eta ia hiru metroko garaiera duen tumulu handia. Hortik, herriaren bistak zoragarriak dira.
Bideari berrekinen diogu beste trikuharriraino, “Mina de Farangortea”raino, 850 metrora baitago, pinudi bat zeharkatu ondoren. Oso bitxia da gure arbasoek eraikitako hilobi aztarna horren eta mendilerroa zipriztintzen duten haize-sorgailu modernoen arteko kontrastea.
