Mendigorriko gudua 1835eko uztailaren 15ean gertatu zen, Lehen Karlistaldian. XIX. mendean zehar piztutako Gerrate Karlistetako gudurik garrantzitsuen eta odoltsuenetako bat izan zen. Izan ere, armada liberalak armada karlistari egin zion eraso hegoaldetik. Karlistek Mendigorria babesten zuten, bertan Karlos erregegaia baitzegoen. Bidexka erraz hau gudua interpretatzeko panelez hornitua dago eta egungo soro eta alor lasaietan zehar ibiltzeko aukera emanen digu; egun, ezinezkoa dirudi leku honetan hain gudu odoltsua gertatu izanak.
Mendigorriko igerilekuetatik abiaturik, ibilbidea lehenik “camino de la Sierra” izeneko bidea igotzen hasten da karlistek beren defentsa-lerroa ezarritako mendixketarantz. Lepora iritsitakoan, bidexka behera doa eta Coronako gainaren ondotik igarotzen da, hots, hori funtsezko lekua izan zen guduan. Aurreraxeago, ibilbideak kiribil handi bat egiten du nekazaritza-bideetan barrena Agrero alderdiaren inguruan. Han, pare bat aldiz zeharkatu beharko dugu Artaxoara doan NA-6030 errepidea. Ondotik, Mendigorrira itzuliko gara bide beretik.
