Kristoren eliza leku adierazgarri batean kokatua dago Caparrosotik mendebaldera. Inguru osotik ikusten da, Aragoi eta Zidakos ibaiak baititu mendean. Elizaren ondoan, Caparrosoko herrixka zaharraren aztarnak daude, XIV. mendearen inguruan abandonatua. Goraxeago, begiratoki ikusgarria aurkituko dugu Nafarroako Erdialdea eta Pirinioak ederki ikusteko. Aragoi ibaiak, gainera, ibar-baso interesgarriak osatu ditu eremu honetan (haietako batzuk Natur Erreserba) eta hegaztiak ugariak dira. Ibilbideak leku interesgarri horiek guztiak zeharkatzen ditu eta Cabrería errekako egitura geologikoa harrigarriak ikusteko aukera ematen du.
Santa Feko elizatik abiaturik, Kristoraino zuzenean igo beharrean, ibilbideak hegoalderantz jotzen du Sotilloko Bidean barna. Kilometro bat egin ondoren, ibilbideko lehen desbideratzera iritsiko gara, aukerazkoa baina oso gomendagarria, Pata del Soldado izeneko begiratoki ikusgarriraino joateko. Behin atzera eginik, hegal erdian zehar, bidexka mehar bat leizeak saihestuz doa, harik eta antzinako herrixkaren aztarnategira iritsi arte, bi eremutan banatua. Hirugarrenik, Kristoren eliza ikusi eta aztarnategira itzuliko gara, handik Aragoi ibaiko ibar-basoan zehar Caparrosora atzera egiteko.
