Ibilaldi zorrotza da, luzea baita, eta Alaitz mendiaren inguruak ezagutuko ditugu. Hasierako tartea Murugain Ibilbideko tarte berbera da. Tebastik abiatuko gara futbol-zelairantz eta, gero, Donejakue Bidea hartuko dugu. AP-15eko loturako biribilgunera iristean, Donejakue Bidetik aterako gara hegoalderantz, hormigoi eta aglomeratuen lantegietarantz, hain zuzen. Subestazio elektrikora iristean, ekialdera eginen dugu (ezkerretara), Peñartea izeneko mendi-zintzurrera doan bidean barna. Arroila gorantz gurutzatzen duen bideari helduko diogu. Pinudi landatura iristean, huraxe zeharkatu eta behera gozo-gozo jaisten den pista hartuko dugu, harik eta Untzueko eliza aldera iritsi arte. Futbol-zelairantz eta Carral basorantz joanik aterako gara Untzuetik. Behin, futbol-zelaian, AP-15aren ondoan ipar-mendebalderantz doan pistari jarraituko diogu eskuinetik, subestazio elektrikora ailegatu arte. Toki horretatik, Tebasera itzuliko gara, hasieran egin dugun bide beretik.
