Ibilbidea Corral del Plano parajean hasten da. Bi bide dira haraino iristeko: Oinez Basoa izeneko bidea eta Miranda Argako errepidea, 1,800 km-an ezkerretara igotzen den bidea harturik. 6 kilometro inguruko ibilbide osoa laua da, Nafarroako baso-masarik hegoaldekoena ikusteko. Basoa ongi samar dago kontserbaturik. Baso polita da: arteak, karraskak, abaritzak, ipuruak eta erkametzen bat, guztiak ere klima mediterraneoko espezie petoak. Geologiari begira, Monte Plano ibai-terraza zahar batez osatua dago. Terraza horrek, orain, Arga eta Zidakos arroak bereizten ditu.
Ibilaldi ezin hobea familian edo lagunekin egiteko. Ordu eta erdia beharko dugu aldaera laburra egiteko; dena den, Oinez Basoko ibilbidetik oinez etorri bagara, guztira 2 ordu eta erdi beharko ditugu. Basoa 2011n landatu zen Nafarroa Oinez ospatzeko, urte hartan Tafallan egin baitzen.
