Bide honek Garesko udalerriaren hegoaldea ezagutzeko aukera ematen du, eta erraza da, baina Gotorlekuen ibilbidea baino luzeagoa. Bestea bezala zirkularra da, eta bi norabidez egin daiteke. Ezkerreko norabidea deskribatzen da hemen.
Paseoaren lehen zatian Argako ezkerreko bazterrak eta ibaiertzeko basoa zeharkatzen dira. Zentral elektriko zaharraren eta errotaren ondotik igaro ondoren, bidezidorra “Campollano”ko baratze aldera doa, lursail lau batetik. Bigarren kilometroan Aizpeako txokoa aurkituko dugu, Arga ugaldeko meandroan dagoen paraje natural polita.
Ibilbideak ugaldeko ibaiertzetik jarraitzen du, eta “Arbol Gordo”tik pasatzen da, tamaina handiko makal ederra, Mendigorriko errepidera iritsi aurretik kokatua. Gurutzatu ondoren, ibilbideak Nekeas izeneko lurralde zabala zeharkatzen du, eta Milagro-Aezkoa Errege Abelbidetik doa zati batean. Gareserako jaitsiera Nekeaseko Lepoan hasten da, eta herriko Kale Nagusi ikusgarria zeharkatu ondoren, bukatzen da ibilbidea.
