XIX. mendeko Karlistaldien garaian gotorleku militar batzuk eraiki ziren Gares inguruko muino txikietan. Gaur egun, horietako hondakin batzuk baino ez dira geratzen, baina bisita egitea oso gomendagarria da gure historia ezagutzeko eta herriaren irudi bikainak lortzeko.
Gotorlekuen ibilbideak horietako hiru zeharkatzen ditu, baita “El Reducto” mendittoa ere, begiraleku panoramiko bikaina. Ibilbidea zirkularra da eta bi norabideetan egin daiteke. Hemen ezkerrerako norabidea deskribatzen da.
Bidea errota zaharretik hasten da, San Gregorio gotorlekurako igoera abiatzen den tokian. Behin goian, ibilbideak ekialdera hartzen du, Nekeaseko Lepo aldera. Infanta Isabel gotorlekua zeharkaldiko punturik altuena da. Ondorengo jaitsieran, Arnotegiko baselizaren, El Reducto-ren eta Gurutziltzatuaren elizaren ondotik igaroko gara. Zabaltzagaingo gotorlekua bisitatu eta gero, Arga ibaiertzaren ondoko alde ederra zeharkatuz bukatuko dugu.
