Ibilbide erraz eta atsegina da Tafallako udal barrutiaren iparraldea ikusteko. Kalitate handiko paisaia zeharkatzen du, alorrak eta artadi txikiak tartekaturik. Tafallatik urrutien dagoen alderdian, bidexkak Valdetina eta Gariposa izeneko inguruak gurutzatzen ditu. 2016ko abuztuko suteak bi alderdiak kaltetu zituen, baina zorionez basobera agudo ari da berriz hazten.
Ibilbidea Osasun Etxearen ingurutik abiatzen da eta iparrerantz egiten du Tajuboko bidean zehar. Igoera arinean doan nekazaritza-pista erosoa da, 3tik gora kilometroan jarraiki beharrekoa. Tafallako jendeak erruz erabiltzen du bide hori eguneroko paseoak egiteko. Patuca eta Ricos izeneko idoien ondotik igaro eta gero, ibilbideak eskuinera egin eta gora doan bidexka bat hartzen du, harik eta Gariposako ukuilura iristen den arte; egun, eroria dago, abiadura handiko trenaren lanen ondorioz.
Ukuilu horretatik, bidexkak behera egiten du errekaren ondoan doan Valdetinako bidea hartzeko. Ondoren, Makotxako bidera iritsiko gara eta, horri jarraituz, Tafallako institutua joko dugu. Tarte honetan, ibilbidea Zidakos ibai-bazterrera hurbildu eta, bidean, Makotxako errota, Rekarteko presa eta teila-labe zahar bat ikusiko ditugu.
